Деновиве во Скопје ќе се случат два значајни настани од културата кои на некој начин се поврзани со нашиот неповторлив Галичник.

 

 

На 25.03.2010 во 12 часот во Друштвото на писателите на Македонија ќе биде промовиран новиот препев на „Сердарот“ (Григор Прличев) од Георги Сталев, во издание на ГАЛИКУЛ - здружение за литература, уметност и култура од Галичник.

На 10.07.2009, во предвечерието на почетокот на „Галичка Свадба 2009“, се случи многу важен настан во црквата Св. Петар и Павле во Галичник. Настан, чие значење, не беше доволно да добие поголемо внимание од медиумите, без разлика што беше во сенка на главната манифестација, па затоа заслужува да му се посвети малку простор на Galichnik-Official. Причина повеќе претставува и фактот што добар дел од луѓето кои го проследија настанот, по неговото завршување се однесуваа како да излегуваат од класична кино претстава, а не од проекција која е многу повеќе од тоа.

 

Таа петочна вечер за првпат откако престана да функционира киното во Галичник, се одржа проекција на филм, поточно два филма за Галичник и Галичка Свадба - едниот на Сифрид Миладинов од 1939 година, а другиот на Гордана Андреевска (која го одржа воведниот говор) и Марјан Стојнев од 2008 година. За двата филма веќе имаме претходно post-ирано на site-ов, но битен е моментот - проекција на првиот и на последниот филм во боја кои се направени за Галичник. Вечерта на проекции беше надополнета со изложба на стари фотографии од кумановецот Миладинов, како и од првиот Галичанец што почнал да се занимава со таквата дејност - Алекса Ѓиноски.

 

На 16.08.2009 продолжија активностите кои летово ги имаше здружението КАМ, по повод 200 годишнината од изградбата на црквата Света Петка во долно мало, како и 1000 години од упокојувањето на светицата на која ѝ е посветена самата црква. Програмата се состоеше од поетско читање на стихови посветени на Света Петка од Гордана Михајлова-Бошнаковска, музички изведби на Весна Ѓиноска-Илкова и Тамара Ажиеска, а централно место зазеде промоцијата на книгата на Косто Граоркоски - „Св. Петка заштитничка на Галичник“.

 

Доколку некој ви кажеше дека пред еден месец почина галичанката Галена Кутреска, на голем дел од вас тоа ништо немаше да ви значи. Но кога низ медиумите се пренесе информацијата дека станува збор за Гаца, јавноста во Галичник, Македонија, па и пошироко, веднаш знаеше за кого станува збор.

 

 

Со мало задоцнување заради технички причини, ве известуваме дека на 28.05.2009 во салата на Институтот за национална историја, се одржа промоцијата на делото на проф. д-р Билјана Ристовска-Јосифовска, „Ѓорѓија М. Пулевски - Револуционер и културно-национален деец“. Промотор беше проф. д-р Симо Младеновски, а настанот се одржа во оргнизација на Институтот за национална историја и издавачката куќа „Селектор“.